Дин, мин һәм йәниҫәп

«Асыҡ студия» тапшырыуының ҡунағы Айнур хәҙрәт Бирғәлин мосолмандарҙың илебеҙ тормошона битараф булмаҫҡа кәрәклеген әйтә.

«„Дин — ул мөғәмәләт“, тигән Пәйғәмбәребеҙ. Йәмғиәтебеҙҙә ҡай ваҡыт шундай фекер ҙә ишетергә була, имеш „дин — ул күңелдә генә ышанырға“ тигән. Ысынбарлыҡта иһә мосолман күңелендәге сафлыҡты, изгелекте бөтөн доньяны яҡшыртыр өсөн тотонорға тейеш. Үҙенең ғәиләһенә ҡарата яҡшы мөғәмәләнән алып, ауылы, ҡалаһы һәм бөтөн илгә яҡшылыҡ килтерергә тейеш», — ти Башҡортостан мөфтөйө Айнур хәҙрәт Биргалин.