Рамадан
«Өфө ваҡыты», 23 март: мосолмандар өсөн ураҙа айы башланды
30 көндән торған Рамазан-шәриф ниндәй мәл, уның төп ҡағиҙәләре нимәгә ҡайтып ҡала? Ошо һәм башҡа һорауҙарға студиябыҙ ҡунағы, Мәрйәм Солтанова исемендәге Ислам колледжы мөғәллиме Венер Ишбирҙин яуап бирҙе. Уның һүҙҙәренә ҡарағанда, Башҡортостан мосолмандары Диниә назараты мәсеттәрендә ифтар табындарын үткәреүҙе сикләү фарызлығы бар. Яңы тәртип иман йорттарын ашханаға әйләндереүгә ҡаршы күрелә. Мәсеттәр таҙалығы, йоғошло ауырыуҙарҙы таратмау беренсе урында. Рамазан-шәриф һынау осоро. Хаҡ тәғәлә яратҡан ҡолона ул күтәрә алырлыҡ һынауҙар ебәрә. Тапшырыуҙа шулай уҡ намаҙ уҡыу, хәйер таратыу тәртиптәре тураһында әйтелде.